Пайғамбаримиз алайҳиссаломни тушда кўриш учун тажрибалар

Lotin alifbosida

Rasulullohni tushda kurishБисмиллаҳир роҳманир роҳийм.

Расулуллоҳ, Расули акрам, Ҳабиби муҳтарам, Набиййи муаззам, Муҳаммад Мустафо соллаллоҳу алайҳи ва саллам, руҳий ва руҳул-оламина фидоҳуга биз ғоибона имон келтирганмиз! У зотни бу дунёда кўра олмаган, Аллоҳ бизга дунёда кўришни насиб қилмаган, охирзамон умматларимиз. Бироқ, у зоти шарифни тушда кўриш имконияти мавжуд! Оламларга раҳмат бўлмиш Пайғамбари охирзамонни тушда кўриш буюк саодатдир, фазилатларнинг энг улуғи ва манфаатларнинг энг каттасидир. Банданинг мўъмин-мусулмонлигининг, қалбида Расулуллоҳ соллаллоҳу алайҳи ва салламга бўлган муҳаббатнинг мавжудлигининг, алалоқибат мўъмин-мусулмон бўлиб оламдан ўтишининг, қиёматда эса у зоти бобаракотнинг шафоатларига насибадор бўлишнинг башоратидир. Айтишларича, ким Расулуллоҳ соллаллоҳу алайҳи ва салламни тушида бир марта кўрса, 12 (ўн икки) марта Қуръонни хатм қилганнинг савоби берилади, ўлим шарбатини тотиш унга осон бўлади, ундан қабр азоби кўтарилади, қиёмат қўрқинчларидан омонда бўлади, дунё ва охиратдаги ҳожатлари раво бўлади. “Руҳ ул-баён”да келишича, Расулуллоҳ соллаллоҳу алайҳи ва салламни тушида кўрган одам ғамгин бўлса, ғамлари арийди; қарздор бўлса, қарзлари узилади; мағлуб бўлса, ғолиб бўлади; маҳбус бўлса, озод бўлади; мусофирликда юрган бўлса, юртига осон-омон қайтади; фақир бўлса, бой бўлади; касал бўлса, шифо топади.

Расулуллоҳ соллаллоҳу алайҳи ва салламни тушда кўриш айни у зотнинг сиймоларини кўриш бўлади. У раҳмоний туш ҳисобланади, у шайтоний туш эмас. Пайғамбаримиз алайҳиссаломнинг ўзлари бундай деб марҳамат қилганлар:

من رآنى فى المنام فقد رآنى فإنّ الشيطان لا يتمثّل )بى( فى صورتى

“Кимки мени уйқусида (тушида) кўрса, дарҳақиқат мени кўрибди. Чунки, шайтон менинг суратимда кўрина олмайди (менга ўзини ўхшата олмайди)” (Бухорий, 1/110; Муслим, 4/2266; Термизий, 4/2276; Ибн Можа, 2/3901; Доримий, 2/2194; Аҳмад, 1/3559; Ҳоким, 7/8186; Табароний, 12/12403; Абу Яъло, 9/5250; Баззор, 1/2074; Ибн Абу Шайба, 11/31111).

Расулуллоҳ соллаллоҳу алайҳи ва саллам:

من رآنى (فى المنام) فقد راى الحقّ

“Кимки мени (тушида) кўрса, ҳақиқатда кўрибди!” деганлар (Бухорий, 9/6996; Муслим, 4/2267; Термизий, “аш-Шамоил ан-набавия”, 1/405; Доримий, 2/2195; Ибн Ҳиббон, 13/6051; Аҳмад, 2/7544; Баззор, 2/7936).

Расулуллоҳ соллаллоҳу алайҳи ва салламни тушда кўришнинг биз учун энг буюк хосияти шуки, ўлимимиз олдидан ва, аниқки, қиёматда у зотнинг айнан ўзларининг тимсолларини кўришимиз мумкинлигидир. Бу ҳақида саҳиҳдан саҳиҳ ҳадиси шариф ривоят қилинган. Мен шунга ишонаман:

من رآنى فى المنام فسيرانى (او لكأنّما رآنى) فى اليقضة و لا يتمثل الشيطان بى

“Кимки мени уйқу (туш)да кўрса, бас, яқинда (гўёки) мени ўнгда кўради! Зотан, шайтон менга ўзини ўхшата олмайди” (Бухорий, 9/6993; Муслим, 4/2266; Абу Довуд, 4/5025; Аҳмад, 5/22659; Табароний, 19/660).

Хуллас, ҳар бир мўъмин-мусулмон Расулуллоҳ соллаллоҳу алайҳи ва салламни тушда кўришни орзу қилиши керак ва шунга ўзини муносиб тайёрлаш керак. Бунинг учун тақво, Расулуллоҳ соллаллоҳу алайҳи ва салламнинг суннатларини имкон қадар адо қилиб бориш, суннатларни бажаришга ҳарисманд бўлиш керак, шунингдек, доимо Расулуллоҳ соллаллоҳу алайҳи ва салламни, қайсидир ҳадисларининг мазмунини, ҳаётларини, фаолиятларини ўйлаб юриш керак. Албатта Расулуллоҳ соллаллоҳу алайҳи ва салламни тушида кўриш учун у зотни танийдиган бўлиш керак. Бошқа бировларни кўриб, “Мен Пайғамбарни кўрдим”, деб юрганлар қанча?! Расулуллоҳ соллаллоҳу алайҳи ва салламни айнан ўзларини кўриб, у зотни таниб олиш учун, шамоил ва сийратлари (тузилишлари ва ҳаёт йўллари)ни яхши билмоқ лозим. Бунинг учун “аш-Шамоил ан-набавия”, “Нур ул-яқин”, “Саодат асри қиссалари”, “Сийари Набий”, “Сиз Пайғамбарни кўрганмисиз?” каби китобларни ўқиб чиқиш фойдадан холи эмас.

Расулуллоҳ соллаллоҳу алайҳи ва салламни тушда кўриш учун ўтган солиҳ зотлар, тақводор кимсалар, авлиёуллоҳлар, ошиқи Расулуллоҳлар, илмига амал қилиб ўтган уламолар томонидан бошларидан ўтказган тажрибалар ҳам мавжуд. Ана шундай тажрибалардан бир нечтасини тўплаб, бу ерда зикр қилмоқчимиз. Мўъмин-мусулмонлар улардан ўзлари ёқтирган бир усулни амалда қўллаб кўришлари мақбул иш бўларди! Агар бу билан Расулуллоҳ соллаллоҳу алайҳи ва саллам унинг тушида намоён бўлмаса, бошқа бир усулни қўллаб кўриш керак. Агар умуман Расулуллоҳ соллаллоҳу алайҳи ва саллам тушда кўринмаса, инсон ўзини ўнглаши, тавба-тазарру қилиши ва суннатларни адо қилишга қаттиқ киришиши даркор. Агар бунда ҳам Расулуллоҳ соллаллоҳу алайҳи ва саллам тушда кўринмаса, бунинг имонга ҳеч бир зарари йўқ. ИншаАллоҳ, охиратда Расулуллоҳ соллаллоҳу алайҳи ва саллам билан бирга бўлажак. Зотан, Расулуллоҳ соллаллоҳу алайҳи ва салламнинг даврларида яшаб, унга ошиқ бўлиб ўтган Увайс ал-Қараний қуддиса сирруҳу сингари авлиёлар ҳам у зотни ўнгда ҳам, тушда ҳам кўра олмай, ишқу муҳаббат ва завқу шавқ билан оламдан ўтиб кетганлар.

Демак, Расулуллоҳ соллаллоҳу алайҳи ва салламни тушда кўриш учун қуйидаги амаллардан бирини қўллаб кўриш мумкин:

1. Кимки жумъа кечаси 2 (икки) ракъат намоз ўқиса, ҳар ракъатида 1 (бир) маротаба “Сураи Фотиҳа”, 1 (бир) маротаба “Оят ал-курсий”, 15 (ўн беш) маротаба “Қул ҳуваллоҳу аҳад” сурасини ўқиса, саломдан кейин эса 1000 (минг) маротаба саловат (хоҳлаганини) айтса, ўша кечаси Расулуллоҳ соллаллоҳу алайҳи ва салламни тушида кўради. Ёки кейинги жумъагача албатта тушида кўради. Бу “Ҳадоиқ ал-ахбор” номли китобда келтирилган экан.

2. Ҳасан Басрий раҳимаҳуллоҳ тажрибаси: Хуфтондан сўнг 4 (тўрт) ракъат намоз ўқийди. Ҳар бир ракъатида “Фотиҳа сураси”дан сўнг “Ваззуҳо”, “Алам нашроҳ”, “Инна анзалнаҳу” ва “Иза зулзилати-л-арзу” сураларини кетма-кет бир мартадан ўқийди. Саломдан сўнг, 70 (етмиш) маротаба саловат (хоҳлаганини) айтади. Кейин 100 (юз) маротаба истиғфор айтади (масалан, “Астағфируллоҳа ва атубу илайҳи”). Кейин 100 (юз) маротаба саловат айтиб, 100 (юз) маротаба: “Ла ҳавла ва ла қуввата илла биллаҳи-л-ъалиййи-л-ъазим”ни айтиб, таҳоратли ухлаб қолса, Расулуллоҳ соллаллоҳу алайҳи ва салламни тушида кўради.

3. Имом аз-Зуҳрий раҳимаҳуллоҳ тажрибаси: кимки жумъа кечаси ғусл қилса ва икки ракъат намознинг ҳар ракъатида “Қул ҳуваллоҳу аҳад” сурасини 1000 (минг) маротаба ўқиса, Расулуллоҳ соллаллоҳу алайҳи ва салламни тушида кўради (Ибн Асокир ривояти).

4. Шайх Дўстмуҳаммад Турсун қуддиса сирруҳу тажрибаси: Кимки икки ракъат нафл намоз ўқиса, тоза тўшак тайёрлаб, покиза кийимда уйқуга ётишдан олдин “Набаъ сураси” (ЪАмма) ўқиб ётса, Пайғамбаримиз соллаллоҳу алайҳи ва салламни тушида кўради.

5. Аллома Махдум Умар қуддиса сирруҳунинг тажрибаси: жумъа кечаси қуйидаги саловатни 1000 (минг) маротаба ўқиб ётса, Расулуллоҳ соллаллоҳу алайҳи ва салламни тушида кўради:

اللهمّ صلّ على حبيبه سيّدنا محمد و على آله

“Аллоҳумма, солли ъала ҳабибиҳи саййидина Муҳаммадин ва ъала олиҳи!”.

6. Ким Расулуллоҳ соллаллоҳу алайҳи ва салламни тушида кўришни хоҳласа, саловатни кўп айтсин ва бу дуони ўқиб юрсин:

اللهمّ ربّ البلد الحرام و الشهر الحرام و الحلّ و الحرام و الركن و المقام إقرأ على روح محمد من السلام

“Аллоҳумма, робба-л-балади-л-ҳаром ва-ш-шаҳри-л-ҳаром, ва-л-ҳилли ва-л-ҳаром, ва-р-рукни ва-л-мақом. Иқроъ ъала руҳи Муҳаммадин мин ас-салом!”. Бу “Тафсири Қози Байзовий”да келтирилган экан.

7. Кимки жумъа кечаси “Сураи Кавсар”ни 1000 (минг) маротаба ўқиса, ва Пайғамбар алайҳиссаломга ушбу саловатни 1000 (минг) маротаба айтса, Расулуллоҳ соллаллоҳу алайҳи ва салламни тушида кўради. Саловат будир:

اللهمّ صلّ و سلم على سيّدنا محمدٍ و على آل سيّدنا محمدٍ بعدد كلّ معلومٍ لك

“Аллоҳумма солли ва саллим ъала саййидина Муҳаммад ва ъала оли саййидини Муҳаммад. Би-адади кулли маълумин лака!”.

Бу “Хавосс ал-Қуръон” номли китобда келтирилган экан.

8. Жумъа кечаси, ярим тунда туриб, “Сураи Қурайш”ни 1000 (минг) маротаба ўқиса, сўнг таҳоратли ҳолида ухласа, албатта Расулуллоҳ соллаллоҳу алайҳи ва салламни тушида кўради. Бу “Мафотиҳ ал-жинон” китобида келтирилган экан.

9. Буни “Китоб аш-Шифо” асарининг муаллифи, таниқли моликий уламоси Қози Иёз раҳматуллоҳи алайҳи ўзи тажриба қилиб кўрган эканлар: Жумъа кечаси “Сураи Ихлос”ни (“Қул ҳуваллоҳу аҳад” сураси) 1000 (минг) маротаба ўқиб, савобини Хадижаи кубро онамиз разийаллоҳу анҳо руҳларига бағишлайди. Сўнг яна ушбу сурани 1000 (минг) маротаба ўқиб, савобини Ойшаи сиддиқа онамиз разийаллоҳу анҳонинг руҳларига бағишлайди. Яна ушбу сурани 1000 (минг) маротаба ўқиб, Фотами заҳро разийаллоҳу анҳонинг руҳларига бағишлайди. Буларни ўқиб бўлганидан сўнг, бу зоти шарифаларнинг Расулуллоҳ соллаллоҳу алайҳи ва салламнинг олдиларида шафоат қилишларини, токи Расулуллоҳ соллаллоҳу алайҳи ва салламни тушида кўришини, Аллоҳ таоло у зотни тушда кўрсатишини ўтиниб сўрайди. Кейин 1000 (минг) маротаба: أستغفر الله و أتوب اليه – “Астағфируллоҳа ва атубу илайҳи” дейди. Сўнг Аллоҳ таолодан: “Эй, Аллоҳ! Шунча қусурим, гуноҳларим бўлса ҳам, руҳимни Расулуллоҳ соллаллоҳу алайҳи ва саллам билан учраштир, тушимда у зотни кўрайин!”, деб ихлос билан сўрайди. Кейин эса 1000 (минг) маротаба ушбу саловатни айтади:

الصلوة و السّلام عليك يا سيّدى رسولِ الله خذ بيدى قلت حيلتى أدركنى

“Ас-Солату ва-с-салому ъалайка ё саййидий Расулиллаҳ! Хуз би-йадий, қулту ҳийлатий, адрикний!”.

Кимки шундай қилиб, таҳорат билан ухласа, Расулуллоҳ соллаллоҳу алайҳи ва салламни албатта тушида кўради.

10. Жумъа кечаси 4 (тўрт) ракъат намозни икки салом билан ўқийди. Ҳар бир ракъатида “Фотиҳа сураси”дан сўнг “Ваззуҳо”, “Алам нашроҳ”, “Инна анзалнаҳу” ва “Иза зулзилати-л-арзу” сураларини кетма-кет ўқийди. Саломдан сўнг, 70 (етмиш) маротаба саловат (хоҳлаганини) айтади. Кейин 70 (етмиш) маротаба истиғфор айтади (масалан, “Астағфируллоҳа ва атубу илайҳи”). Саловат айтиб, таҳоратли ухлаб қолса, Расулуллоҳ соллаллоҳу алайҳи ва салламни тушида кўради. Бу “Мажмаъ ал-ҳадис” номли китобда келтирилган экан.

11. Кимки жумъа кечаси “Қадр сураси”ни 1000 (минг) маротаба ўқиса, Расулуллоҳ соллаллоҳу алайҳи ва салламни тушида кўрмасдан дунёдан ўтмайди.

12. Кимки Расулуллоҳ соллаллоҳу алайҳи ва салламни тушида кўришни хоҳласа, 2 (икки) ракъат нафл намози ўқисин. Кейин 100 (юз) маротаба қуйидаги дуони ўқисин:

يا نور النور يا مدبّر الأمور بلغ عنى روح سيدنا محمد و أرواح آل محمد تحيّة و سلاما

“Ё Нур ан-нур, ё мудаббир ал-умур! Баллиғ ъанний руҳа саййидина Муҳаммадин ва арваҳа оли Муҳаммадин таҳийятан ва салама!”.

13. Айрим манбаларда “Абҳар намози” ҳақида маълумотлар берилган. Кимки “Абҳар намози” деб аталган намозни ўқиса, (“абҳар” – гулнинг номи) Расулуллоҳ соллаллоҳу алайҳи ва салламни тушида кўради. Уни манбаларда саҳоба ва тобеъинлар давридан қолган намоз сифатида эсланади: Тўрт ракъат намоз ўқилади. Ҳар бир ракъатида “Фотиҳа сураси”дан сўнг “Қадр сураси”ни 10 (ўн) марта ўқилади. Сурадан кейин “Субҳоналлоҳи, валҳамдулиллаҳи, ва ла илаҳа иллаллоҳу валлоҳу акбар!”ни 15 (ўн беш) маротаба айтилади. Рукуъга кетиб, рукуъда турганида: “Субҳона роббийа-л-ъазим!”ни уч марта айтганидан сўнг “Субҳоналлоҳи, валҳамдулиллаҳи, ва ла илаҳа иллаллоҳу валлоҳу акбар!”ни 3 (уч) маротаба айтади. Рукуъдан тик турганда “Самиъаллоҳу ли-ман ҳамидаҳ. Роббана лака-л-ҳамд!”ни айтганидан кейин яна “Субҳоналлоҳи, валҳамдулиллаҳи, ва ла илаҳа иллаллоҳу валлоҳу акбар!”ни 3 (уч) марта ўқийди. Кейин “Аллоҳу акбар!” деб саждага кетади. Саждада 3 (уч) маротаба “Субҳона роббийа-л-аъло!” дегандан кейин “Субҳоналлоҳи, валҳамдулиллаҳи, ва ла илаҳа иллаллоҳу валлоҳу акбар!”ни 5 (беш) маротаба айтади. Кейинги саждада ҳам худди шундай қилади. Қолган ракъатларни ҳам шу тариқада тугатади. Намозни тугатиб, салом бергандан кейин “Қадр сураси”ни 10 (ўн) маротаба ўқийди. Яна “Субҳоналлоҳи, валҳамдулиллаҳи, ва ла илаҳа иллаллоҳу валлоҳу акбар!”ни 33 (ўттиз уч) маротаба айтади. Кейин “Жазаллоҳу ъанна Муҳаммадан бима ҳува аҳлуҳ!” дейди. Шундай қилиб ухласа, Расулуллоҳ соллаллоҳу алайҳи ва салламни тушида кўради.

14. Қуръони каримдаги “Аҳзоб сураси”нинг 56-оятини кечқурун ётишдан олдин 7 (етти) маротаба ўқиб ётган одам Расулуллоҳ соллаллоҳу алайҳи ва салламни тушида кўради. Ояти карима будир:

إنّ الله و ملائكته يصلون على النبىّ يا أيّها الذين آمنوا صلوا عليه و سلموا تسليما

“Инналлоҳа ва малаикатаҳу йусоллуна ъала-н-Набийй. Йа аййуҳаллазина аману, соллу ъалайҳи ва саллиму таслима!”.

Хуллас, Расулуллоҳ соллаллоҳу алайҳи ва салламни тушда кўриш буюк саодат ва улуғ бахтдир. Уламоларнинг тажрибаларидан ўтган юқоридаги усулларни ҳар жойдан тўплаб Сиз азизларнинг ҳукмингизга ҳавола қилдик. Шояд, Расулуллоҳ соллаллоҳу алайҳи ва салламни тушингизда кўриб, ушбу буюк саодат ва улуғ бахтга мушарраф бўлсангиз, биз ҳам бу хайрли амалга Сизни далолат қилганимиз учун шарофатларга ноил бўлсак.

Аллоҳ таоло ҳар бир мўъмин-мусулмонга Расулуллоҳ соллаллоҳу алайҳи ва салламни тушда кўриш бахтини муяссар айласин! Омин.

Ҳамидуллоҳ Беруний

 

Яна бўлимга тегишли...

Фикрлар сони: 51 та

  1. Ассалому алайкум! Ҳамидуллоҳ Беруний Пайғамбаримиз алайҳиссаломни
    тушда кўриш учун тажрибалар маколангиз жуда хам хайратланарли, хамма маколаларинггиз хам жуда хам аъло укиб чикмокдаман.Катта рахмат.Аллох таоло илмингизни янада зиеда килсин.

  2. Ассалому алайкум! Устоз Ҳамидуллоҳ Беруний Пайғамбаримиз алайҳиссаломни
    тушда кўриш учун тажрибалар маколангизни Одноклассники ва Имодан дустларимга жунатсам еки уз сайтимга куйсам рухсат берасизми? Ташаккур

    • ahlisunna.uz:

      Ва алайкум ассалом. Мақолани муаллифини кўрсатган ҳолда дўстларингизга юборсангиз бўлади. Ҳурмат билан Админ.

  3. Ассалому алайкум! Устоз ahlisunna.uz сайтини телеграмми борми.Рахмат

  4. Ассалому алайкум! Рахмат Устоз.Аллох таоло килаетган эзгу ишларингизни ажр савобини купайтириб берсин.Хаммамизни тугри йулдан адаштирмасин.Амиин

  5. Ассалому алайкум! Устоз Ҳамидуллоҳ Беруний Окимларга раддия программа дастури зур рахмат.Агар яна шунга ухшаган программа дастурларингиз борми? Бор булса хаммасини номини езиб берсангиз.Катта рахмат.Кимматли вактингизни олганим учун узр сурайман.Аллох таоло хайрли ишларинггизни бардавом килсин.Амиин

  6. Ассалому алайкум! Устоз
    Ҳамидуллоҳ Беруний телеграммдаги Ahlisunna.uz каналини телеграмм boti борми булса езиб юборинг.Рахмат

  7. Ассалому алайкум устоз бор кун мен набийимиз Мухаммад Мустафа с.а.в тушимда курдим набийимизни юзлари берк эди очишини илтимос килдим набийимиз юзларини очди воажаб у кадар хушсурат инсонни хич курмагандим ва юзларини силаб дод деб йигладим сунг уйгониб набийимиз тушимда курганим учун 2 ракат шукур намаз укидим

    • ahlisunna.uz:

      Ва алайкум ассалом. Аллоҳ таоло хайрли ва баракотли қилсин. Дуоларингизда бизларни ҳам эслаб туринг.

  8. Ассалому алейкум. Пайгамбаримиз Мухаммад саллолоху алейхи вассаламни туш курганлиги бировга айтиш мумкинми?

    • ahlisunna.uz:

      Ва алайкум ассалом ва роҳматуллоҳ. Ҳа мумкин, фақат сизга яхшиликни истовчи яқинларингизгагина айтиш мумкин. Ҳасадгўйларга эмас. Валлоҳу аълам.

  9. Dilnoza:

    Assalomu aleykum man hozir homiladorman, har kun ertalab va kechqurun yasin surasini eshitib, tugilajak farzandimga uzoq umr va solih farzand bolishini tiliman, bugun uxlashdan oldin yasin surasini eshitib yotdim va paygambarimizni oylagandim, man u zot haqida hali xech nima bilmayman, lekin u zotmi balki o’ylaganlarim natijasimi tushimga kirib narsa berib dardlarimni hammagayam etavermasligimni etib ketibdila, bu manosi nima endi, yoki man u zotni oylaganim u.n shunday boldimi yoki rostan tushimga kirdimi

  10. Sarvinoz:

    Assalomu Alekum. Manam payg’barimiz Muhammad(s.a.v)ni tushimda ko’rdim turmush qurganimga ko’p yil boldi Alloh tomondan berilgan dard tufayli homilador bolaolmayapkandim har kuni istig’for etip yosin surasini ewtip yotardim. U zot tushimga kirdila yuzlarini yarminigina koraoldim holos oppo kiyimdedila yonlarga yana bir oq kiyimli kishi kelip man haqimda payg’ambarimizadan so’radila shunda u zot man tomonga hiyol qarap bo’ladi bo’ladi deb ikki marotaba takrorladila. Bu mangaham Onalik baxti berilishiga ishorami

  11. Assalomu aleykum va rahmatullohu va barakotux. Men tushimda payg’ambarimiz Muhammad alayhissalomni ko’rdimmi yo’qmi tushunmay qoldim. Tushimda shunaqa yorug’ bir nur paydo bo’ldida keyin u nurga qarab payg’ambarimiz Muhammad alayhissalom deb ismlarini aytishga urinib boshqacha ism aytdim qayta qayta ismini to’gri aytaman deb baribir ayta olmadim. Abdulhamid Cho’lpon Muhammad o’g’li deganim esimda. Bu nimani bildiradi tushunolmayapman, javobingiz uchun oldindan rahmat…

    • ahlisunna.uz:

      Ва алайкум ассалом ва роҳматуллоҳи ва барокатуҳ. Сиз бизнинг таъбиримизга кўра раҳмоний туш кўргансиз. Илоҳим яхшиликка бўлсин.

  12. Xurshida:

    Assalomu alaykum ! tushimda Muhammad Mustafo (s.a.v.)ni oilalarini kordim, Payg’ambarimiz haqida atrofdagi insonlar gapirar edilar lekin ularni muborak yuzlarini ko’rmadim Ularning uylarida bir marosim bolayotgandi. Xadicha r,a, bn ancha dildan suhbatlashib o’tiribmiz. Omina r.a. ni va Oisha r.a. ni ham kordim. Kimdir qolimga iching deb sut berdi . Sutni ichar ekanman shunaqanggi shirin va yoqimli edi. hayolimda sutga shakar qo’shilgan bo’lsa kerak deb o’ylayapman ekan . Keyin oldimda chamasi 8 yoshlardagi qiz menga ham sut deb harhasha qildi va qo’limdai sutning idishini olib suv quyib chayqab ichdi . ( shu kunlarda ko’p diqqat bolayotgandim , o’qish ishlarim ham hal bolmayotgandi hammasi chappasiga ketib… kechasi 2 larda turib istihora nafl namozini o’qib keyin salovot aytib uhlab qolibman .) ertalab uyg’onganimda judayam sevindim ko’rgan tushimdan .

  13. Dilnoza:

    Assalomu alaykum! Kunduz choği tushimda Payğambarimiz Muhammad (s.a.v.) ning ovozlarini eshitganday bõldim. Lekin yuzlarini kõrdimmi yõqmi eslolmayman. Qanaqadir nasihat tarzidagi ma’noli sõzlarni gapirar edilar. Buni ta’biri nimaga yõyiladi? Iltimos, javob bersangiz…

    • ahlisunna.uz:

      Ва алайкум ассалом ва роҳматуллоҳ. Кўрган тушингиз иншааллоҳ хайрли бир мужда деб умид қиламиз. Аллоҳ иймонингизни бақувват қилсин!

  14. Farrux:

    Assalomu alaykum. Men tushumda qiyomat qoyimni koʻrdim unda savol javob boʻlayotgan edi, juda koʻp odamlar bor edi, bir jar bor edi uni tutashtiruvchi arqon bor edi odamlar uning ustidan oʻtayotgandi arqon qimirlashidan odamlar jarga yiqilishardi men taniydigan odamlar ham bor edi qoʻrqib qoʻrqib qadam tashlay boshladim shunda goʻyoki toʻgʻri yoʻlda yurgandek yurdim arqondan chetlashsam ham tushib ketmas edim va undan oʻtib oldim, shunda odamlarning yigʻisi eshitilardi goʻyoki inson vafot etgandagidek yigʻlardi bu juda ham qoʻrqinchli edi. Odamlarning orasidan oʻtganimda bir sayoz daryoni koʻrdim, odamlar shu daryoga tushib gunohi koʻplar juda qoʻrqinchli hayvonlarga aylanib chiqardi. Hamma ollohga tavba qilib yigʻlashardi va men ham shuni tushundimki u vaqtda tavba qilishni foydasi yuq edi, bir kursdoshim ham bor edi u daryoning ichida yelkasida bola koʻtarib olgan holda turardi, daryo suvi tizzasidan past edi goʻyoki suvga yotmoqchi boʻlayotgan edi lekin qoʻrqayotganini sezib turardim. Shunda men yigʻlaganimcha ollohim qilgan gunohlarimni oʻzing kechir degancha suvga sakradim suvga butunlay tanam botib ketdi, soʻngra tanamda oʻzgarish boʻlgandek tuyuldi soʻngra suv meni oqiza boshladi oldinda katta darak(tugʻon) bor edi koʻzimni yumib ochsam darak(tugʻon) dam oʻtgan edim orqaga qarasam oq kiyimda bir inson darak(tugʻon) ning tirqishini kattalashtirayotgan edi, shunda yonimda bir kursdoshim paydo boʻlib qoldi va shu vaqt oldindan kattakon tumsoq kelayotgan edi shuni sezdimki u gunohi koʻp insonni yeyishga kelayotgandi, u yonimizga keldi shunda men koʻzimni yumib oldim soʻngra koʻzimni ochsam u yonimizda chiroyli sigirga aylangandi. Keyin ikki tomonga yoʻl keldi biz chapga burildik zinadan yuqoriga koʻtarildik shunda bir ayol goʻsht qovirayotganini va yonida bir bola turardi yeb qoʻygudek qarardi qoʻrqib orqaga tusha boshladim lekin koʻzim bolada edi. Keyin ammamni hovlisida paydo boʻldim yonimga qarasam paygʻambarimiz Muhammad sollallohu alayhi vasallam turardi yonida ikkita ayol bor edi ular paygʻambarimizni oʻldirmoqchi boʻlayotgan edi shunda paygʻambarimiz chelakka mis tangalardan solib ayollardan biriga berdi va suv olib kelinglar dedi, men uni koʻpaytirib halqqa tarqataman dedi shu vaqt koʻchada paydo boʻlib qoldim paygʻambarimiz yonimda turardi, paygʻambarimiznig ayol soqchisi bor edi u paygʻambarimizni oʻldirmoqchi boʻlgan ayollarni oʻldirdi shunda osmon yorishib u yerdan goʻyoki uchar jismlar kelayotgandek edi. Shunda bir tovush keldi qiyomat nimaligini odamlarga yetkaz uning qanday boʻlishini degan.

  15. Sobir:

    Assalomu alaykum. O’qituvchiman. Hamkasbim yo’lda ketayotib menga bir salovotni o’rgatdi. So’ngra 10 marta aytishimni ta’kidladi. O’sha kecha tush ko’rdim. Tushimda shahrimizga olib boradigan yo’lda boshqa bir hamkasbimni moshinasida edim. To’satdan yo’lda tumonot odam ko’rindi. Yo’ldagi barcha mashinalar bir birlariga signal berishib, shovqin solishdi. Tumonot odamlar yaqinlashganda biz ham yo’l chekkasiga chiqib to’xtadik. O’shanda, tumonot odamlar ichida juda katta tuya va uning ustida oppoq kiyimda bir kishini ko’rdim. Biroq yuzlari ham yopiq edi. Ammo, yuzlari yopiq bo’lsada, ko’zlari, burni va og’zi xuddi chizib qo’yilgandek ko’rindi. Katta bir yungli, olov va jigarrangli xo’rjinni payqadim tuya ustida. Men qarab turardim, tuya esa tobora yaqinlashib kelar, tuya ustidagi zot xo’rjinga qo’lini solib nimadir olar va ba’zi odamlargagina ulashar edi. Tuya atrofidagi kishilarning bari nimadandir umidvordek, qo’llarini yuqoriga ko’tarishib, tuya ustidagi zotdan nimadir so’rashar va u kishilarning yuzlari qora rangda edi. Men yo’l chetida hamon turardim. O’shanda tuya ustidagi zot xo’rjinga qo’llarini solib nimadir oldida men tomonga qarab otdi. O’yog’im ostida kichik toshlar bo’lganligi uchun otilgan narsalarni nima ekanligini bilolmadim. O’yog’im tagiga xuddi ikkita kichik tosh (yoki boshqa narsa bilolmadim) tushgandek bo’ldi. So’ngra tuya yo’lida davom etdi. Tuya ustidagi zot esa hamon xo’rjindan nimadir olar va o’zi istagan kishiga qarab o’sha narsalarni otardi. So’ngra qiy-chuv shovqin ham tindi va biz yo’lda davom etdik. Tuya shunchalik katta va semiz edi. Tuya oq va malla aralash rangda edi. Sizlardan iltimos, tuya ustidagai zot janob Payg’ambarimiz (s.a.v) edilarmi yoki yo’q? Izoh beringlar men ko’rgan tushga. Allox hmmalaringizdan rozi bo’lsin.

  16. Assalomu alekum. Tushimda shamol bulib osmon ochildi tula naqsh belida naqshli Kamari bor chaqaloq paygambarimizni chaqaloqligi ekan. Yana bir tushimda Kabani eshigiga uxshagan eshik orqasida yaxshil rangli Arab yozuvli qabr. Internetda paygambarizmizni qabrini ziyorat qilishganini kursatishdi xuddi shu joyga uxshidi. Man bu tushimni internetda kurishdan old in kurgandim. Alloxni barokatlari yogilsin sizlarga iloxim.

  17. Soliha:

    Assalomu alaykum . Men tushimda Payg’ambarimizni soatining aksida kôrdim . Tushimda :ukam kasal bõlib qolibdi uy juda qorong’u edi men :kecha surnay chalganimda Rasululloh kelib ukamni tuzatib kelgandi bugun ham chaqiraman deb surnay chaldim . Uyimiz yorug’ bõlib Honadagi katta soat oldi yorishib shu soat da kõrindi ancha turidi kôz uzmasdan qaradim keyin ketdi ukam tuzaldi . Iltimos tabirini aytib bering kutib qolaman

  18. Abdusohib:

    nafl namozlarni o’qiyapman. anchadan beri payg’ambarimizni tushimda ko’rishga harakat qivvomman. ko’proq nima qilishim lozim?

    • ahlisunna.uz:

      Ассалому алайкум, шу ерда кўрсатилган тажрибаларда давомли бўлинг, иншааллоҳ кўришасиз…

  19. Asror:

    Assalomulaykum,ILTIMOS OHIRIGACHA OQIN ustoz jum’a kuni saxarda Rasululloh s.a.v ni tushimda ko’rdim. Tushmda men u zotning qullari yani hizmatkorlari ekanman men ulrani huddi onamni tanigandek tanidim ularham meni tug’iganimdan beri biladigandek edilar biz gaplashmadik go’yoki bunga ehtiyoj yo’qdek keyin men bir suv chimaydigan joydan suv chiqardim bu ishim huddi ularning buyruqlari bilan bo’lgandek edi keyit pastga tushdim suv to’g’ri ogzimga quyula boshladi jcha boshladim suv juda shirin edi,ichayotib Rasulullohga qaradim ular menga qarab tugan ekanlar meni ichishimni ko’rgach ularning ham og’zilariga quyila boshadi bu huddi ular tomondansen birinch ich deyshga ishoradekbo’ldi, biz ichayotganimizda osmondan bir ovoz jaranglab keldi bu ovoz egasi kavsar surasidagi gapni so’zmasoz aytdi,men suvga qonganimizni sezdim keyin yana to’ygunimcha ichdim shundan keyingina uyg’ondim. Tjshimni o’zimni ishongan bir nechta yaqinlarimga aytdim tush to’g’risidagi dalillarni o’qidik,tushimmi uzoq o’ylab yurdim va tushimda Rasululloh s.a.v ni quchoqlab olmaganimdan afsuslandim orzu qildim yanagi safar ularni ko’rsam qattiq quchoqlashni niyyat qildim va 2 hafta otib yana jum’a kuni saxarda Rasulullohni ko’rdim bu safar juda yaqinda edilar ularni ko’rib shu zahoti yo Rasulluloh deb qattiq to’yib quchoqladim ularham meni qattiq quchoqladilar keyin uyg’ondim.
    Lekin paygambarni ko’rish uchun yuqorida ko’rsatgan dualaringizni qimovdim,lekin bu tushlani ko’rishdan oldin chin dildan so’rabmanmi bilmadim Allohdan bir sayyoh farishtasini manga jo’natishini soradim va shu farishtaga paygambarim Muhamman s.a.v ga salomimmi yetkazishini ummatiz sizzi judayam sog’indi dib etib qoyishini iltimos qildim uch martta Allohumma Solli Ala Saiddina Muhammad dib farishtadan makkaga ketishini so’radim.
    Ustoz enin man rostanam payg’ambarimmi Rasulullohi Muhammad Sallollohu Alayhi Va Sallammi ko’rdimmi
    Iltimos jovob yozseyz e-mail manzilimgayam javob yuborshizzi iltimos qilaman

    • ahlisunna.uz:

      Ассалому алайкум ва роҳматуллоҳ. Аллоҳ таоло кўрган тушингизни рост ва баракотли айласин!
      Расулимиз соллаллоҳу алайҳи ва саллам билан кўришиш бахтига мушарраф бўлинг!
      Сиз қатори биз ҳам…

  20. Abdusohib:

    Assalamu Aleykum tashahudda payg’ambarimiz barmoqlarini ko’targanliklari haqida hadislar bormi

    • ahlisunna.uz:

      Ва алайкум ассалом. Ҳа бор

      Намозда ишораи саббоба қилиш ҳақида “Ишора қилиш ҳақида башорат” номли рисолада саҳобалардан йигирма бешта ҳадис ривоят қилингани келтирилган. Қуйида улар билан танишиб чиқсак:

      Ибн Можжа Нумайр Хузоийдан ривоят қиладилар: Набий саллаллоҳу алайҳи васалламни намозда ўнг қўлларини сонларини устига қўйиб, бармоқлари билан ишора қилганларини кўрдим”, деди.

      Термизий Абу Ҳумайддан ривоят қиладилар: “Ўнг кафтларини ўнг тиззаларига, чап кафтларини чап тиззаларини устига қўйиб бармоқлари билан ишора қилар эдилар”.

      Ибн Умар розияллоҳу анҳудан ривоят қилинади: “Набий саллолоҳу алайҳи васаллам намозда, яъни ташаҳҳудга ўтирсалар ўнг қўлларини ўнг тиззаларини устига чап қўлларини чап тиззаларини устига қўйиб бош (кўрсаткич) бармоқларини кўтариб дуо қилардилар чап қўллари тиззаларини устида турар эди”. Ушбу ҳадисга саҳобалар, тобеинлар, амал қилиб, ташаҳҳудда ишорани ихтиёр қилдилар.

      Аҳмад Нофиъдан ривоят қиладилар: “Абдуллоҳ ибн Умар розияллоҳу анҳума намозда ташаҳҳудга ўлтирсалар икки қўлларини икки тиззаларига қўйиб бармоқлари билан ишора қилиб, ишора қилган бармоқларига қараб турар эдилар, сўнг Расулуллоҳ саллалоҳуалайҳи васаллам: “Бармоқ билан ишора қилиш шайтонга темирдан ҳам шиддатлироқ”, дердилар.

      Алийюл қори “Тазйинул ибора таҳсинул ишора” китобларида ушбу ҳадисни шарҳлаб айтадиларки, “Бармоқ билан ишора қилиш урушда темир қуролни ишлатишдан ҳам қийинроқдир, гўё тавҳидга ишора қилиш билан шайтон мўъмин бандани адаштириши, ширкка олиб боришдан бўлган умидини кесади”.

      Имом Суютий “Жомеул кабир” китобларида Уқба ибр Омирдан ривоят қиладилар: “Киши намозида ишора қиладиган ҳар бир ишорасига ўнта ҳасанот ёзилади”, дедилар.

      Ибни Обидийн “Рафъ ул тараддуд” номли китобларидаги ишораи саббоба ҳақида ворид бўлган ҳадислар, олти саҳиҳ китобларнинг ҳаммасида зикр қилинган. У ҳадисларни ҳаттоки, маънавий мутовотир дейиш дуруст бўлади деганлар.

      Ишораи саббоба қилиш борасида саҳобалар, уларга эргашган тобеинлар ихтилоф қилмадилар. Имом Абу Ҳанифа ва у зотнинг икки шогирдлари Имом Абу Юсуф ва имом Муҳамммад, имом Молик, имом Шофиий, имом Аҳмад ибн Ҳанбал ҳамда мутақаддим уламолар ишораи саббоба суннат эканлигига иттифоқ қилишган.

      Абу Лайс Самарқандий “Навозил”, Камолиддин Ибну Ҳумом “Фатҳул қодир”, Аллома Алоуддийн Косоний “Бадоиус Саноий”, Ибн Обидийн “Раддул мухтор”, “Мужтабо”, “Муҳитул Бурҳоний”, Туҳфа”, “Канзуд дақоиқ”нинг шарҳлари “Баҳрур роиқ”, “Наҳрул фоиқ”, Абдулҳай Лакнавий “Умдатур риоя” кабаи мўътабар манбаларда ҳам суннат эканлиги зикр қилинган. Бу ҳақида Алийюл Қорий иккита “Тазйинул ибора таҳсинул ишора” ва “Аттадҳийну литтазаййун”, Ҳофиз Ибн Ҳажар “Талҳисул ҳобир”, Ибн Обидийн “Рафъ ул тараддуд” номли бир қатор рисолаларда ҳам таълиф қилиб ўтганлар.

      Ҳанафия мазҳабида ишора қилиш тартиби фақатгина ўнг қўл билан ишора қилинади, агар қўли кесилган бўлса ёки қўлини ҳаракатлантира олмайдиган шол бўлса, бошқа бармоқлари билан ёки чап қўли билан ҳам ишора қилмайди.

      Ишораи саббобанинг кўриниши асосан икки ҳил бўлади: “Мунятул мусолллин”да Муҳаммад Қошғарий: Шаҳодат калимасига етганда ўрта, жимжилоқ ва номсиз бармоқни букиб бош бармоқнинг бошини ўрта бармоқнинг четига қўяди, ёки ўнг қўлини “хинсир” яъни жимжилоқ ва “бинсир” тўртинчи бармоқларини букиб ўрта ва бош бармоқларни ҳалқа қилади, “Ла илаҳа”да кўтариб, сўз билан феълни ўртаси бир-бирига мувофиқ бўлиши учун “Иллаллоҳ”да туширилади. Мана шу иккинчси, яъни ҳалқа кўринишини Шамсул аимма Ҳалавоний ва Абу Жаъфар Ҳиндувоний раҳимаҳуллоҳлар ихтиёр қилишган.

      Намоз комил бўлиши ва Набий саллаллоҳу алайҳи васалламнинг: “Мени намоз ўқиётганимни кўрганларинингдек намоз ўқинглар”, деган сўзларига мувофиқ ташаҳҳудда “Ла илаҳа”да кўтариб “Иллаллоҳ”да тушириб ишора қилиш сунннат саналади.

      Ишора қилиб бўлгандан кейин қўл бармоқлари ёзиб юборилмайди, балки намознинг охиригача ўз ҳолатида қолади.

      Ишора қилаётганда бармоқни қимирлатмайди, ушбу мазмунда келган ҳадисларнинг санадини Имом Суютий ва Алий Қорий заиф деб келтирдилар. Ишора қибла тарафга бўлади. Абдуллоҳ ибн Зубайрдан ривоят қилинади: “Набий соллаллоҳу алайҳи ва саллам бармоқлари билан ишора қилардилар. Бармоқларни эса қимирлатмас эдилар”. Ушбу ҳадиснинг санадини Имом Нававий саҳиҳ деганлар. Бу бармоқни фақатгина бир марта кўтариб бошқа ҳаракатлантирмасликка далолат қилади. Али ибн Абдураҳмаон Муовийдан ривоят қилинади: “Мени Абдуллоҳ ибн Умар намозда тош ўйнаб ўтирганимни кўрди. Намозни ўқиб бўлганимдан сўнг мени бундан қайтариб, Расулуллоҳ саллолоҳу алайҳи васаллам қилганларини қилгин деди. Мен Расулллоҳ саллолоҳу алайҳи васаллам қандай қилганлар, дедим. Айтдики, Набий саллолоҳу алайҳи васаллам намозда ўлтирсалар ўнг кафтларини ўнг сонларини устига чап кафтларини чап сонларини устига қўйиб, ҳамма бармоқларини букиб кўрсаткич бармоқлари билан ишора қилардилар, чап кафтларини чап сонларини устига қўяр эдилар” деди.

      Ибн Обидийн “Рафъ ул тараддуд”да “Матнлардаги масалалар билан шарҳлардаги масалалар бир-бирига зид келиб қолса, матнлардаги масаларга амал қилинади. Матнларда келгани эса бармоқларни ёйиб туриш. Матнларда бармоқларни ёйиб туриш дегани ташаҳҳудни бошлаганда бармоқларини ёйиб туриш ирода қилинган. Бу ишораи саббобани суннат эканлигига зид фикрлар келмаган.

      “Ҳидоя” ўрта махсус ислом

      билим юрти ўқитувчиси

      ИСМОИЛ ИШАНОВ

  21. Каромат:

    Assalomualekum ustoz Mening ismim karomat yoshim 25 da bundan bir yilcha oldin tushumda paygambarimiz kiriptila ula boshlari bn yopiq kiyimda qullarida uzun hassaga kimdur manga qara bu bizning paygambarimiz dip kursatipti man ulaga qaradim manga qarap turarkanla lekin yuzlari kurinmadiyu paygambarlilarini bilip yiglap yuboripman shundan sung hozir 7oylik homladorman utgan kuni tushumda paygambarimiz ugil farzandlarini asrap olganmishman va kup odamla bilan gishli uyga uhshagan joydi bir necha Marta aylanip sung bir davra bulip utirsek oramizda keksa kishi utirip bolami ģapga tutup manga qarap ahir paygambarimizni ugillariku bu bola dipti man yiglavardim siz qettan bildez desam savollarimga aql bilan javop berganidan san yiglama san hursan bulishen kere shunde farzand asrap olganindan dipti u bolacha yosh 6-7yoshlada kulup turedigan Sochlari qungiroq qora sochliligi esimda qoldi nima dip uylisiz tugelajek farzandimga bogliqmikin bu tushum bogliq busa maniki qiz farzand digan.

    • ahlisunna.uz:

      Ва алайкум ассалом ва роҳматуллоҳ. Туғилажак фарзандингиз қиз бўлса ҳам, ўғил бўлса ҳам Расулуллоҳ соллаллоҳу алайҳи ва салламга муносиб, суннатларини қайта йўлга қўядиган олим бўлсин! Омин!

  22. Nilufar:

    Asalomualaykum xurmatli ustoz men but kuni bumda 2yil oldin tushmda paygambarimizni tushmda kurganman ularni oldilarga kupchlik navbat kutib kiretgan ekan men xam kiribman menga extyot bul sabr qil xammasi yaxshi buladi dedilar men nomoz uqiyman rostanxam lekin meni xayotim yaxshi emas menga maslaxat Bering iltmos

    • ahlisunna.uz:

      Ва алайкум ассалом. Илоҳим тушингиз ўнгидан келсин ва ҳаётингиз изига тушсин. Сабр энг катта ибодат турларидан биридир. Аллоҳ сабр қилгувчилар билан бирга. Аллоҳ таоло Ўзи икки дунё саодатига ноил этсин! Омин!

  23. Dilsora:

    Assalomu alaykum. Yuqorida yozilganlarni oʻqib juda taʼsirlandim. Man ham koʻrgan tushimni aytib bermoqchi edim. 9- sinflar edim. Bir kun tushimga Rasululloh kirdilar. Ular bizning uyimizga kelibdilar. Siz kimsiz desam paygʻambarman dedilar. Yuzlarini aniq koʻrdim. Qorachadan kelgan dumoloq yuzli edilar. Boshlarida doʻppi. Egnilarida yashilga yaqin libos edi. Ular menga jannatga kirishni istaysami dedilar. Xa dedim. Unda onangni rozi qil dedilar. Balki bu barchamiz uchun eslatmadir. Onamizni duosini olishimiz kerak.

  24. Ассалому Алейкум Бисмиллохир рахмонир рохим Кеча телиграм гурухларидан » бирга тахажжуд намозин укийлик мазмунида хабирлар келди Мен хам фарзандларим бн бирга бу намозини укиб кн бомдодга будильник куйиб йоттим кунгирок 1-чалганда учирдим 2-чалганда яна учириб хозир тураман диб 2дакика ичида шу тушни курдим Канакадир йонганми, кургокчилми ер чап томонимда тумонат одам унг томонимда бир куриган дарахт уни йонида кора узун йопинчикли кийимли инсон Одамлар кайоккадир кочмшвотти Ман у киши нега кочмаябти диб уларни ташлаб кетгим кемяпти улар томонга караб юришим бн одамлар Расулуллох,Расулуллох диб бакиришти ман халиги киши Расулуллох экан диб оркаларидан энгашиб юзларига карадим факат пастки лаблари ва соколларини курдим ва ул зотни хафалар диб тушиндим
    Буни табири кандай
    Бирон нотугри суз ишлатган булсам узр

  25. Fazliddin:

    Rahmat .
    Inshiolloh Rasulimizni tushda koraman degan umitdaman. Omin.

  26. Shoxrux:

    Assalomualekum… 14.04.2020. shu kecha Payğambarimiz Rasulullohni tushimda kőrdim… Tushimda mani oila azolarimni jigarlarimni rasa suo qildila

  27. Soliha:

    Assalomu alaykum. Tushda payg’ambarimizni eslasa nima bo’ladi?

  28. Soliha:

    Javobingizni kutaman. Oldindan rahmat.

  29. Asalamu aleykum bugun tushimda faqat Ixlos Fotiha Falaq suralarini aytdim bu nimani bildiradi uyg’onib yana qaytib uxladim yana shu tushimda suralarni ayttim javobingiz uchun oldindan rahmat maslahatiz uchun tashakkur yozganlarizni o’qishlikka harakat qilaman Insha Allah tushimda Payg’ambarimizni ko’rishlik nassib qilsin 🤲🏻

    • ahlisunna.uz:

      Ва алайкум ассалом. Аллоҳ тушингизни хайрли қилсин! Қори ва олим зиёли фарзанд ва набиралар кўринг!

  30. Dilshod:

    Assalomu alaykum va rahmatullohi va barakatuhu

  31. Dilshod:

    Tush haqida bir savolim bor ed. agar noo‘rin gapirsam uzr so‘rayman ln bu tush meni juda ham qiynayapti. saharlik qilib Bomdoddan kn uyquga yotdim. Tushimda atrofimda Sahobalar davridagidek kiyingan odamlar, yonimdan bir inson o‘tib ketdi, Hassali ust boshi sallasigacha qaymoqrangli kiyingan oppoq emasdi. Rasullulloh s.a.v deb o‘ylab qoldim. keyin ul zotga qarashga qo‘rqdim, film ko‘ryapmanmikan deb, hayolimda uni siymosini ko‘rsam tush ko‘rsam Rasululloh s.a.v ni adashtirib qo‘yishimdan cho’chidim, Keyin menga o‘girilib qaradi men pastga qarab turardim, ko‘z qirim bn uning yuzidan nur sachrayotganini ko‘rdim, qarashga qaror qildim, qarasam nigohlari o‘tkir, istarali qora tanli yuzi silliq insonligini ko‘rdim, keyin shubha qildim Rasululloh s.a.v arab bo‘lganliklarini va doim soqol qo‘yganliklari hayolimdan o‘tdi, keyin vaziyat ozgarib shu davrga o‘tib qoldik. U inson menga dunyoviy ilmlardan ustozimga aylanib qoldi kn uyg‘onib kettim. iltimos bu nimadan dalolat. Namozimda ham allohga yuzlanamanu lekin ko‘proq Rasululloh s.a.v ni ko‘proq o‘ylayman. nimanidir xato qilib gunohkor bo‘lmayapmanmikan, nima qilishim kerak, hayolimdan ketmayapti.

    • ahlisunna.uz:

      Ва алайкум ассалом. Тушлар таъбирини аниқ айтиб беришдан биз ҳам ожизмиз, афсус…
      Лекин сизнинг тушингиз иншааллоҳ хайрли туш деб умид қиламиз.

Фикр билдиринг

Ваш e-mail не будет опубликован. Обязательные поля помечены *